İqtisadi Zonaların İnkişafı Agentliyinin nəzdində Peşə Təhsil Mərkəzinin əməkdaşları və tələbələri üçün Azərbaycan Dövlət Mədəniyyət və İncəsənət Universitetində “Don Rəfail trambonçu” tamaşası nümayiş etdirilib.
İqtisadi Zonaların İnkişafı Agentliyi nəzdində Peşə Təhsil Mərkəzinin əməkdaşları və tələbələri üçün 5 dekabr 2025-ci il tarixində Azərbaycan Dövlət Mədəniyyət və İncəsənət Universitetində “Don Rəfail trambonçu” tamaşası nümayiş etdirilib. 
Rejissor, əməkdar artist Şövqi Hüseynovun quruluş verdiyi tamaşada rolları Universitetin 4-cü kurs tələbələri canlandırıb. Tamaşa ADMİU-nun “Tələbədən tələbəyə” layihəsi çərçivəsində həyata keçirilib. Layihənin məqsədi incəsənətin öyrədici və maarifləndirici gücünü təhsil mühitinə gətirərək gənclərin intellektual, sosial və mədəni inkişafına dəstək olmaqdır. Bu çərçivədə ADMİU-nun tələbələrinin hazırladığı tamaşalar öyrənmə prosesini daha yaradıcı, dinamik və interaktiv edir.