İqtisadi Zonaların İnkişafı Agentliyinin Peşə Təhsil Mərkəzində “Koordinasiya, karyera və biznes tərəfdaşlığı” mövzusunda əməkdaşlar üçün təlim keçirilib.
08 oktyabr 2025-ci il tarixində İqtisadi Zonaların İnkişafı Agentliyinin nəzdində Peşə Təhsil Mərkəzində “4D Dual TVET” layihəsi çərçivəsində mərkəz əməkdaşları üçün “Koordinasiya, karyera və biznes tərəfdaşlığı” mövzusunda təlim keçirilib. 
Təlim Almaniya Federativ Respublikasından layihə üzrə dəvət edilmiş beynəlxalq ekspert Monica Martin tərəfindən keçirilib. Təlim zamanı iştirakçılara peşə təhsilinin əmək bazarının tələblərinə uyğunlaşdırılması, kadr hazırlığı prosesində şirkətlərin rolu, təcrübə proqramlarının təşkili və digər vacib mövzular üzrə bilik və bacarıqlar aşılanıb. Təlim interaktiv formatda təşkil edilib, iştirakçıların sualları cavablandırılıb və təcrübə mübadiləsi aparılıb.