İqtisadi Zonaların İnkişaf Agentliyinin nəzdində Peşə Təhsil Mərkəzinin əməkdaşı Sumqayıt Tibb Kollecində “Süni intellekt, onun tibbdə rolu və kibertəhlükəsizlik” mövzusunda təlim keçib.

İqtisadi Zonaların İnkişaf Agentliyinin nəzdində Peşə Təhsil Mərkəzinin əməkdaşı Ramid Ağayev 7 oktyabr 2025-ci il tarixində Sumqayıt Tibb Kollecində “Süni intellekt, onun tibbdə rolu və kibertəhlükəsizlik” mövzusunda kollec tələbələri üçün təlim keçib. Təlimin məqsədi süni intellekt texnologiyalarının tibbi sahədə tətbiqi imkanları barədə gənc tibb mütəxəssislərini məlumatlandırmaq, həmçinin rəqəmsal dövrdə kibertəhlükəsizlik biliklərinin əhəmiyyətinə diqqət çəkmək olub.
Təlim zamanı iştirakçılara süni intellektin diaqnostika, məlumatların emalı, xəstəliklərin proqnozlaşdırılması, pasiyentlərlə rəqəmsal əlaqə kimi sahələrdə praktiki nümunələr təqdim edilib, şəxsi məlumatların qorunması və tibbi sistemlərin təhlükəsizliyinin təmin edilməsi istiqamətində görülməli olan tədbirlər müzakirə olunub və tələbələrin sualları cavablandırılıb.