Peşə Təhsil Mərkəzində “Məzun günü” keçirilib.
İqtisadi Zonaların İnkişafı Agentliyinin Peşə Təhsil Mərkəzində “Məzun günü” keçirilib.

Qonaqları salamlayan İqtisadi Zonaların İnkişafı Agentliyinin Peşə Təhsil Mərkəzinin direktoru Kənan Bağırov əlamətdar və sevincli gün münasibətilə bütün məzunları, onların valideynlərini, eləcə də müəllim heyətini təbrik edib və ən xoş arzularını çatdırıb.
Tədbirdə Milli Məclisin deputatları Mehriban Vəliyeva və Tahir Mirkişili iştirak edərək ,məzunları təbrik ediblər.Tədbirdə tələbələrlə yanaşı, onların ailə üzvləri, Mərkəzin müəllim və işçi heyəti, eləcə də dövlət və özəl qurumları təmsil edən qonaqlar iştirak ediblər.

“Məzun günü”nün təşkil olunmasının əsas məqsədi məzunlarla əlaqələri daha da genişləndirmək, müvəfəqiyyətli məzunların nümunəsində onları gələcək uğurlara ruhlandırmaq, tələbələrin təhsilə marağını artırmaq və onların mərkəzin ictimai həyatında fəal iştirakın təmin etməkdən ibarətdir.

Qeyd edək ki, bu il Peşə Təhsil Mərkəzini 8 ixtisas üzrə 97 tələbə bitirir.

Bundan başqa tədbirdə çıxış edən digər natiqlər təhsil müəssisəsini uğurla başa vuran tələbələrə gələcək fəaliyyətlərində uğurlar arzulayıblar.

#MəzunGünü #PeşəTəhsili #İZİA #İZİA_PTM