18 Mart 2025-ci il tarixində İqtisadi Zonaların İnkişafı Agentliyinin nəzdində Peşə Təhsil Mərkəzində İnnab Business School-un nümayəndələri ilə görüş keçirilib. 
İlk olaraq Mərkəzin direktoru Kənan Bağırov qonaqları salamlayıb və Mərkəzin son illərdə həyata keçirdiyi uğurlu fəaliyyəti, əməkdaşlıqlar, tələbələrin cəlb olunduğu müxtəlif proqramlar ilə bağlı görüş iştirakçılarına məlumat verib. İnnab Business School-un direktoru Rauf Hacıyev öz çıxışı zamanı həyata keçirdikləri fəaliyyətlər haqqında məlumat verib və əməkdaşlıq imkanlarını vurğulayıb. 
Görüş zamanı tərəflər qarşılıqlı təcrübə mübadiləsinin əhəmiyyəti və peşə təhsilinin inkişaf etdirilməsi istiqamətində birgə layihələrin həyata keçirilməsi barədə müzakirələr aparıb. Sonda İnnab Business School-un direktoru Rauf Hacıyev və Korporativ satış rəhbəri Nərmin Sarıyeva Mərkəzin laboratoriyaları, sinif otaqlarını və tədris mühiti ilə tanış olub.