İqtisadi Zonaların İnkişafı Agentliyinin nəzdində Peşə Təhsil Mərkəzində “ANAMA”-nın dəstəyi ilə“Partlayıcı sursatlar və təhlükəsizlik qaydaları” mövzusunda təlim keçirilib.
09 Mart 2025 tarixində İqtisadi Zonaların İnkişafı Agentliyinin nəzdində Peşə Təhsil Mərkəzində “Partlayıcı sursatlar və təhlükəsizlik qaydaları” mövzusunda mərkəzin tələbələri üçün maarifləndirmə təlimi təşkil olunub. 
Təlim Azərbaycan Respublikasının Minatəmizləmə Agentliyinin Maarifləndirmə və Zərərçəkənlərlə iş şöbəsinin baş mütəxəssisi Ceyhun Quliyev tərəfindən keçirilib. O, tələbələrə partlayıcı sursatlar, onların fəsadları,  onlara qarşı təhlükəsizlik tədbirləri və qaydası haqqında ətraflı məlumat verib, işğaldan azad olunmuş torpaqlara səyahət edərkən və ya hər hansı bir şəkildə şübhəli vəziyyətlərlə üz-üzə qalındığı zaman davranış qaydalarını izah edib. Təlim interaktiv formada davam etdirilib və tələbələri maraqlandıran suallar təlimçi tərəfindən cavablandırılıb.