İqtisadi Zonaların İnkişafı Agentliyinin nəzdində Peşə Təhsil Mərkəzi tərəfindən gənclər üçün "İKT və Gənclik" mövzusunda təlim keçirilib.
İqtisadi Zonaların İnkişafı Agentliyinin nəzdində Peşə Təhsil Mərkəzi tərəfindən Abşeron-Xızı Regional Gənclər və İdman İdarəsi və Regional Mədəniyyət İdarəsinin birgə təşkilatçılığı ilə Abşeron rayon Heydər Əliyev Mərkəzində gənclər üçün "İKT və Gənclik" mövzusunda təlim keçirilib.  
Təlim İqtisadi Zonaların İnkişafı Agentliyinin nəzdində Peşə Təhsil Mərkəzinin tələbəsi və Mərkəzin Tələbə Gənclər Təşkilatının sədri Yusif Şıxəliyev tərəfindən keçirilib. Təlimin əsas məqsədi gənclər arasında informasiya və kommunikasiya texnologiyalarından düzgün və səmərəli istifadə qaydalarını təbliğ etmək olub. Təlim iştirakçıları İKT-nin gündəlik və peşəkar həyatda rolu, kibertəhlükəsizlik, rəqəmsal bacarıqların inkişafı və innovativ texnologiyalar barədə ətraflı məlumat əldə edib.