İqtisadi Zonaların İnkişafı Agentliyinin nəzdindəki Peşə Təhsil Mərkəzində qanvermə aksiyası keçirilib.
23 avqust 2024-cü il tarixində İqtisadi Zonaların İnkişafı Agentliyinin nəzdindəki Peşə Təhsil Mərkəzində talassemiya xəstəliyindən əziyyət çəkən uşaqlara yardım məqsədilə qanvermə aksiyası keçirilib. Aksiyada Peşə Təhsil Mərkəzinin əməkdaşları və müəllim-pedaqoji heyəti ilə yanaşı mərkəzin tərəfdaşları olan "Azertexnolayn" MMC, "SOCAR Polymer" MMC, "AzerFloat" QSC, "Kartaş Kimya" MMC və "ATS Food" MMC-nin əməkdaşları da fəal iştirak ediblər.
Milli Hematologiya və Transfuziologiya Mərkəzinin həkim-hemotoloqları tərəfindən hər bir donorun sağlamlığı öncədən müəyyən olunaraq, hərtərəfli tibbi müayinədən sonra donorlardan qan götürülüb. Yığılan qan ehtiyatı yoxlanılaraq talassemiya, eləcə də hemofiliya və digər qan xəstəliklərindən əziyyət çəkən uşaqlar üçün istifadə olunacaqdır.

#Qanverək #Yardım #SocarPolymer #AzerFloat #KartaşKimya #ATSfood #İZİA #İZİA_PTM